الريال وباب الحارة

مرحبا
الريال وباب الحارة
[] حارة الضبع []






أبو قاسم: الله يرحمك يا صهري [ أبو عصام ] كنت مشجع كبير ل ريال مدريد و وأنت سبب تعلقنا ب ريال مدريد واللي كان محلّي مباريات ريال مدريد هو شوفتها مع الحكيم [ أبو عصام ] ؛؛ الله يرحمك الله يرحمك ويدخلك فسيح جناتك يا صهري




أبو شهاب ( هشام ): إيه والله ياخي كان رجّال زقرت وأبظاي وبيعجبك كمان ؛؛كان ما شاء الله عليه مشجع وفي ل ريال مدريد وكان يحلل كل المباريات أحسن من إللي اسمه [ عاشق الدوحه وحمحودي ] ؛؛ لكن عهد على رأبتي (رقبتي ) لاخد بتارك (بثأرك) يا صهري ؛؛ خلاص [ سعاد ] امسحي دموعك خلصنا خلصنا ؛؛ كل شي بأمر رب العالمين


سعاد: ولي على آمتي (قامتي) ؛؛ كيف بشوف الطابة ( الكورة) بدون تاج راسي [ أبو عصام ] ؛؛ لك هلاّ كل ما بشوف ريال مدريد بتزكر (بتذكر) زوجي وابن عمي [ أبوعصام ] الله يشيلكن يا كتالونيه .




عصام: يامو يامو( أمي) الله يخليكي غيّري الموضوع ؛؛أصل أنا ب البيت كل حريمي بس يتكلموا عن ريال مدريد و برشلونة [ لطفية ] طالعة لامها بتشجع برشلونة و [هدى] بتشجع ريال مدريد ؛؛ أنا ما عاد بدري كيف أعاملهن التنتين؛؛ وعن موسم الصيف اللي خلص علينا بدون لاعيبي كتار ؛؛ تضرب على راسك يا بيريز ئرب يخلص الصيف وما شفنا حدا !



معتز : شو رأيك لو تهدد مرتك [ لطفية ] ب الطلاق عشان تترك برشلونة
؛؛ يلا خلينا نروح يا عصام ع الأهوة (القهوة) عند [ أبو حاتم ] ؛؛ وخلينا ناخد منه كم حكوة عن ريال مدريد وتكتيكاته اللي بيطّير العأل(العقل) سكّر الباب وراك يا عصام




عصام: فكرة حلوة أبو العز وأهم إشي ولدي يصير مدريدي بحت ،، شوف [ أبو بدر] كيف يمشي هههههه




معتز: أبو بدر تعا تعا تعا ( تعال) ؛؛ يا مال الشوم عليك ؛؛أنا نفسي تايرة (ثايرة) عليك بعطيك كف وأطؤ(أطق) راسك بالحيط ؛؛ وأنا بضربك لأنك بتشجع [ برشلونة ] خذ هدا الكف وهدا البوكس




أبو بدر : خلاص خلاص خلاص ؛؛ أنا من هلاّ تركت تشجيع برشلونة وصرت مدريدي عن حأ وحئيئ (حق وحقيق) ويسطفل برشلونة وغوارديولا وميسي ولابورتا واللي خلّفوه كمان ؛؛واللي تشوفوا عمي معتز أنا بخدمتك .




عصام : خلاص أبو العز اتركه وخلينا نروح ل أبو حاتم.أكيد لحد هلاّ زعلان على روحة روبينهو
معتز : أي والله روحت روبينهو وهزيمتنا من البارسا يلي كانت سبب موتت أبي أبو عصام
عصام : وكّلها لله أخي ... هونها بتهووون !




أبو حاتم : يا هلا وسهلا برجال الحارة ؛؛ أبو مسلّم جيب الشاي لأحلى أبظايات في الحارة بسرعة بسرعة




معتز: أبو حاتم شو رأيك في موسم الميركاتواللي فات بعد ما خلص علينا بدون صفقات كبيري (كبيرة)




أبو حاتم : أخخ أخخ ؛؛ لك أنا بدّي أروح أمسك بيريز وأعطيه علأة (علقة) تدعيلي عليها يا أبو العز ؛؛ه الرجال بيريزإتكلم كلام كتير كتير وبجيب إلنا أسماء لعيبي كتار ؛؛لكن ما شفنا حدا بنوب بنوب ؛؛ الفريق وااااضح إنه محتاج ل مهاجم بيلعب مع هيغواين و راؤول في الهجوم ؛؛ ياخوفي يجي يوم يرجع الفريق لأيامه السودا ؛؛ ظلينا ورا رونالدو طووووول الصيف وأخرتها ما شفنا لا رونالدو و غيره ؛؛ يسطفل رونالدو واللي جابه يا مال الشوم عليه؛؛ وكمان ديفيد فيا الأهبل بيروح ويجدد العأد(العقد) حتى عام 2014م




أبو بشير: إيه والله ؛؛ ه الصيف الماضي راح علينا من غير ما نجيب كم لاعب يفيد الفريق وخصوصاً الهجوم؛؛ المشكلة إن راؤول و الرود وهونتلار كلهن بيلعبو في مركز راس الحربة وبس ؛؛ يعني لعبهم مع بعض البعض ما عم بيصلح بنوب نبوب؛؛والله شي يبعئد (بيعقّد) يعني شو شايف ديفيد فيا في فالنسيا هو كان بيدخل التاريخ من أوسع أبوابه لو إجا(جاء) لريال مدريد ؛؛ بس بيجيله يوم بيجلس يعض اصابيعه على تفويت ها الفرصة




أبو مرزوق: يا ريال أحمر يا ريال ؛؛ أوووف العمى ؛؛ يا ريان أحمر يا ريان ؛؛ كل هاد حب لريال مدريد ؛؛ خلني بس أقوم سكّر المحل وأروح الأهوه(القهوة) عند رجال الحارة




أبو خاطر: أنا يا جمعة الخير بحس نفسي مخنوء(مخنوق) شوي من القهر اللي ساواه لي كالديرون ؛؛باع اللعيبه واحد واحد و آخرتها ما شفنا منه شي ؛؛ كأنه عم بيجمع مصاري عشان يشتري فيها في موسم الشتا الفات ؛؛ واللي فائعلي (فاقع لي ) مرارتي هو روحة روبينهو المسكين وعدم وجود بديل إلو ؛؛ قرار عدم شراء بديل لروبينهو قرار مش مهضوم بنووووب ؛؛ شي يحزّن بس استغفر الله العلي العظيم






أبو غالب : بليلة بيلة بلبلوكي وفي الليل سلؤلكي(سلقوكي) وفي النهار بيّعوكي وأنا برشلوني ؛؛ شايفكن يا عضوات حارة الضبع عم بتحكوا عن مين عن ريال مدريد ؛؛ شو كان ريال مدريد هادا الموسم لك شرشحناكو زهاباً وإياباً ؛؛ الله يرحم أيام برشلونة يوم كان جاي رايح وعم بياخد بطولات ؛؛وهاد شيخكم بيريز عم بيكدب عليكم ليل نهار ؛؛ مرة كاكا ومرة رونالدو




عبده : إنت إلتها(قلتها) يا أبو غالب >> الله يرحم برشلونة ؛؛ يعني مات يعني لازم تجهزوله كفن ؛؛ بحضور الأسد اللي هو ريال مدريد محد حيوأف (يوقف) إدّامه ( أمامة) شو ما كان حجمه ؛؛ وتاني مرة لازم تحترم أسيادك يا بيّاع البليلة




أبو شهاب: شو رايك يا أبو غالب إنك تنإلع (تنقلع) من خلإتي(خلقتي) لأن خاطري أمسكك مع رأبتك(رقبتك) مشان مرة تانية ما تفتح تمّك(فمك) لا عن الريااال ولاعن أي شي متعلإ (متعلق) بـ بيريز ؛؛وخلك إنتا مع ناديك وشيخكم لابورتا إللي عايش مشاكل مع ادارته ؛؛ روح امشي بعيد يا واطي




أبو غالب: أأأأأأنا رايح رايح هلاّ ؛؛ بليلة بلبلوكي وفي الليل سلؤكي وفي النهار يا روبينهو باعوكي .




أبو شهاب: لك هاد الواطي أبو غالب زكرني (ذكرني) بروبينهو وطلعته من النادي اللي ما حبيتها بنوووب ؛؛ لو جددوا معه العئد(العقد) من أول ما طلب كان أحسن كتير كتير ؛؛ كالديرون كان عاملي فيها زكي(ذكي)كان بيريد رونالدو بالأول ومن تم يرمي روبينهو رمية ما يعلم فيها إلا الله سبحانه و تعالى ؛؛ لكن ما استفدنا لا هيك ولا هيك




أبو مرزوق: لالالا يا يابو شهاب ؛؛ روبينهو خرج من النادي مشان المصاري ؛؛كان بده مصاري كتير كتير ؛؛ هيك هن اللاعيبي البرازيليين همهون الأول الفلوس وبس زي رونالدينهو ؛؛ يسطفلوا الله لا يردهن.




خاطر: بس أهم شي يا جماعة إننا جبنا لاعب ممتاز كتير كتير ؛؛ وأنا مأهور(مقهور) من حكي روبينهو إللي آله(قاله) ل ادارة ريال مدريد خلال هادا الموسم بعد ما لعبنا مع البارصا !




أبو شهاب: يا جماعة يا جماعة روبينهو خرج من النادي مشان ما حدا احترمه لا كالديرون ولا مياتو ؛؛ وشكلين ما بحكي هاه.




معتز: مشان الله يا جماعة الخير فضوها سيرة ؛؛ خلاص روبينهو راح وما في إشي راح يرجعه إلنا ؛؛ خلونا نحكي في مستأبل(مستقبل) الفريق وفي موسم الشتا لنا حديس(حديث) بإزن (بأذن) الله.




أبو حاتم : الفريئ(الفريق) حالياً مكتمله صفوفه سواء الدفاع أو الوسط بس بينؤصنا(ينقصنا) لاعب جناح مشان يشكّل قوة في الوسط مع روبين ؛؛ وكزلك(كذلك) لازمنا لاعب مهاجم سريع كتير ومهاري ؛؛ مشان يساعد الرود ياللي راجع من الإصابه وهيغوين و راؤول ؛؛ ويا خوفي إن الفريئ(الفريق) راح يعاني من بطئ الهجوم ؛؛ يعني لو العقيد [ بيلغريني ] يعطي فرص كتير ل هونتلار بيكون أحسن للكِل ؛؛ وبكفّي إنو هونتلار لاعب متحرك وسرعته منيحة ومهارته وكويسه
ومن أول 5 مباريات سجل 8 أهداف !




عصام: كلامك درر يا عم أبو حاتم ؛؛ هونتلار لازمله يلعب دأيئ(دقايق) كتار حتى يكسب السقة(الثقة)




أبو شهاب: شوبك(اشبك) رايح بالك بعيد يا أبو خاطر ؟؟




أبو خاطر: أخي أبو شهاب حال راؤول معزبني(معذبني) كتير كتير ؛؛ محد عم يفهم ان راؤول مركزه بس راس حربة ؛؛ رجوع راؤول للورا ما حبيتها بنووب ؛؛ بيفإد(يفقد) خطورته لو خرج خارج ال 18




أبو بشير: كلامك مزبوط يا أبو خاطر ؛؛ راؤول ما عم يعرف يمر من الخصوم ف الواجب عليه إنه يكون مهاجم صريح وبس ؛؛ بس مين يفهّم العقيد خواندي راموس أي منيح أنو خلصنا منو !




شباب الحارة: كلنا متفئين(متفقين) معاكم .






أبو شهاب : يالله ؛؛ خاطركن يا رجال الوئت(الوقت) تأخر ؛؛ لا توخزنا(تواخذنا) يا أبو حاتم ؛؛ تصحبوا على خير يا رجال




أبو خاطر: خدنا معك ؛؛ تأخر الوئت(الوقت) ؛؛ أصلا كلنا رايحين ع البيت




أبو حاتم : نشوفكن على خير بحول الله ؛؛ ولا تنسوا تجوا لعندي شوفون مباراة [ ريال مدريد و وبرشلونة ] في مباراه السوبر اللي جايه والشاي على حسابي







*************
[] ستات حارة أبو الضبع []

[ زفّة العريس>> ريال مدريد ]

أم زكي:
أويييييييييه عليك يا ريال مدريدأوييييييييييه يا فريئ (فريق) متل الحديدأ
أويييييييييييه لما تجردّهم تجريد

أويييييييييييه يا ويل الخصوم من الوعيد

أوييييييييه لما تؤتلهم (تقتلهم) من الوريد ل الوريد

ويا حاسد صلي على النبي وزيد
كلللللللللللللللللللي


************
[] حارة أبو النار []


أبو غالب: سلام عليكم عقيد أبو النارأبو النار: لك فينك لهلاّ باب حارتنا كان بيتسكّر لو تأخرت شوي ؛؛ وبعدين آلبة(قالبة) خلأتك(خلقتك)أبو غالب: وشّي(وجهي) ألب(قالب) من أهل حارة الضبع ؛؛ شايفين ريال مدريد الكل ب الكل ؛؛ وما ألوا(قالوا) إشي منيح عن برشلونة ؛؛ كِل كلامهم كان سب وشتم لبرشلونة .أبو النار: أخخخخ ؛؛ لك يصطفلوا هن و ريال مدريد ؛؛ بهدلناهم هالموسم في الزهاب والإياب أنا معد بدّي أسمع أي كلمة عن ريال مدريد ؛؛ أخخخ ع الشرشحة إللى أكلناها منهن في الموسم الماضي ؛؛ 1-0 و 4-1 ؛؛ أبوغالب إياك تردد اسم ريال مدريد مرة تانية.أبو الحكم: خلصنا يا أبو غالب روح نام وفكنا من سيرة ريال مدريد


************

[] مخفر الشرطة []



أبو جودت: يا نوري يا نوري ؛؛ لك فينك عم بناديك فين رحت نوري: أهلا سيدي انا تحت خدمتك ؛؛ وكل شي بتطلبه أنا بنفزه(بنفذه) بالحرف الواحدأبو جودت: روح هلاّ لحارة الضبع وعايزك تعدلي كم مشجع مدريدي عندهن بالحارة ؛؛ أخخخ أنا بكره هي الحارة لأني بكرة ريال مدريد ؛؛ وراح أوريهن شغلهن نوري: سيدي أصلا كل حارة أبو الضبع بيشجعوا ريال مدريد ؛؛ أصلا ه الحارة من شروط السكن فيها لازم الواحد يكون مدريدي أبو جودت: أوووف عليهن ؛؛ خلاص خلاص روح شوف شغلك يا نوري
,,,,,
منقول وشكرا

ههههههههههههه روعة

رووووووووووووووووووووووووووعة شكرا

عقوا وشكرا ع الردود الحلووووووهة